महेन्द्रनगर, असार ८ – कञ्चनपुरको भीमदत्त नगरपालिका–१८ की वडा सदस्य रुपा जैरु लागुऔषधसहित पक्राउ परेकी छन्।
जिल्ला प्रहरी कार्यालय कञ्चनपुर र लागुऔषध नियन्त्रण ब्यूरोको संयुक्त टोलीले असार ६ गते भीमदत्त नगरपालिका–१८ को कटान क्षेत्रमा उनलाई पक्राउ गरेको हो। प्रहरीले प्राप्त गरेको गोप्य सूचनाका आधारमा उक्त क्षेत्रमा निगरानी बढाएको थियो।
प्रहरीका अनुसार गौरा मन्दिर टोल निवासी जैरु शंकास्पद रूपमा हिँडडुल गरिरहेको अवस्थामा फेला परेकी थिइन्। त्यसपछि गरिएको खानतलासीका क्रममा उनले दाहिने कोखीमुनि कालो प्लास्टिकको पोकाभित्र लुकाइछिपाइ राखेको अवस्थामा लागुऔषध बरामद गरिएको हो।
जिल्ला प्रहरी कार्यालय कञ्चनपुरका डीएसपी टेकबहादुर रावतका अनुसार जैरुको साथबाट प्रोमेथाजिन हाइड्रोक्लोराइड इन्जेक्सन १५ एम्पुल र बुप्रेनोर्फिन हाइड्रोक्लोराइड इन्जेक्सन ३० एम्पुल बरामद गरिएको छ।
‘लागुऔषध कारोबारमा संलग्न रहेको सूचनाका आधारमा उनलाई पक्राउ गरिएको हो। घटनाबारे थप अनुसन्धान भइरहेको छ,’ डीएसपी रावतले बताए।
प्रहरीले पक्राउ परेकी जैरुमाथि लागुऔषध सम्बन्धी कसुरमा आवश्यक अनुसन्धान तथा कानुनी प्रक्रिया अगाडि बढाइएको जनाएको छ।
लेखकको बारेमा
थप आर्टिकलहरु :
- १४ असार २०८३, आईतवार ०९:५९स्वास्थ्यईशान मेमोरियल अस्पताल र नेसनल लघुवित्त बेलौरी शाखाबीच स्वास्थ्य सेवा सम्झौता
- १० असार २०८३, बुधबार २०:४३अर्थबेलौरी नगरपालिकाको ९४ करोड ५५ लाखको बजेट सार्वजनिक, विकास र सेवा प्रवाहलाई प्राथमिकता
- ८ असार २०८३, सोमबार १८:४९शिक्षाLaljhadi
- ८ असार २०८३, सोमबार १८:४८BlogLaljhadi
