बेलडाँडीमा व्यवसायिक बंगूरपालन तालिम सम्पन्न

दिप न्यूज

समाचार प्रकाशित मिति :

३१ बैशाख २०८३, बिहीबार २१:४३

बेलडाँडी, २०८३/०१/३१ — नेशनल लघुवित्त वित्तीय संस्था लिमिटेड शाखा बेलौरीको आयोजनामा तथा बेलडाँडी गाउँपालिका पशु सेवा शाखा को प्राविधिक सहयोगमा बेलडाँडी गाउँपालिकास्थित रौलेश्वर क्याम्पस को हलमा व्यवसायिक बंगुर पालन तालिम सम्पन्न भएको छ।

कार्यक्रमका प्रमुख अतिथि बेलडाँडी गाउँपालिका वडा नं. २ का वडा अध्यक्ष नारद सिंह उर्याल रहनुभएको थियो। यस्तै अतिथिहरूमा इलाका प्रहरी कार्यालय बेलडाँडी का प्रहरी नायब निरीक्षक मोहन बहादुर सिंह, क्याम्पस सञ्चालन समितिका अध्यक्ष पुष्पकमल पीडित, क्याम्पस प्रमुख प्रयागराज जोशी, प्रहरी जवान वविता उपाध्याय तथा पशु सेवा शाखा प्रमुख सिद्ध राज भट्ट लगायतको उपस्थिति रहेको थियो।

कार्यक्रमको अध्यक्षता बम कृष्ण वली ले गर्नुभएको थियो भने सञ्चालन सहायक कर्मचारी लोक ठगुन्ना ले गर्नुभएको थियो।

बम कृष्ण वलीको स्वागत मन्तव्यसँगै सुरु भएको कार्यक्रममा प्रमुख अतिथि तथा अन्य अतिथिहरूले व्यवसायिक बंगुर पालन जस्ता आयआर्जनमूलक तालिमले ग्रामीण क्षेत्रमा स्वरोजगार र आत्मनिर्भरता बढाउन महत्वपूर्ण भूमिका खेल्ने बताउनुभयो। साथै यस्ता कार्यक्रमलाई आगामी दिनमा अझ विस्तार गर्नुपर्नेमा जोड दिइयो।

कार्यक्रममा ५६ जना सहभागी रहेका थिए भने कुल ६८ जनाको उपस्थिति रहेको आयोजकले जनाएको छ। संस्थाले यस्ता सीपमूलक तालिमलाई आगामी दिनमा अझ प्रभावकारी रूपमा विस्तार गर्दै लैजाने प्रतिबद्धता जनाएको छ।