नेशनल लघुवित्तद्वारा पतञ्जली योगा समितिलाई कार्पेट हस्तान्तरण

दिप न्यूज

समाचार प्रकाशित मिति :

२४ चैत्र २०८१, सोमबार ०८:४१

बेलौरी, कन्चनपुर — ‘व्यक्ति स्वस्थ भए समाज विकास हुन्छ, समाजको विकास भए देश विकास हुन्छ’ भन्ने मूल नाराका साथ नेशनल लघुवित्त वित्तीय संस्था लिमिटेड, शाखा कार्यालय बेलौरीद्वारा बेलौरी नगरपालिकामा रहेको पतञ्जली योगा समितिलाई कार्पेट हस्तान्तरण गरिएको छ।

दैनिक योग अभ्यासलाई थप सहज बनाउन र स्थानीयवासीको स्वास्थ्यप्रति चेतना अभिवृद्धि गर्ने उद्देश्यले गरिएको उक्त सहयोग संस्थाको सामाजिक उत्तरदायित्वअन्तर्गतको महत्वपूर्ण कार्य हो।

नेशनल लघुवित्तले समाजिक उत्तरदायित्व अन्तरगत विभिन्न किसिमका कार्यहरू गर्दै आएको छ। यसले विभिन्‍न शिपमूलक तालिमहरू आयोजना गर्नुका साथै विभिन्न ठाउँमा वित्तीय साक्षरता कार्यक्रम सञ्चालन गर्दै आएको छ। साथै शाखामा आवद्ध ग्राहक सदस्यहरूलाई कृषि सामग्री, बीउविजन, किटनाशक विषादी, जैविक मल तथा पशुपन्छी औषधि खरिदमा ५ देखि २० प्रतिशतसम्म छुटको व्यवस्था गरिएको छ।

त्यस्तै गरी सदस्य तथा उनीहरूको परिवारमा बिरामी परेका अवस्थामा औषधि उपचारमा ५ देखि २५ प्रतिशतसम्म छुट सुविधा पनि उपलब्ध गराइएको संस्थाले जनाएको छ।

संस्थाले आगामी दिनमा यस्ता सामाजिक र सेवामूलक कार्यहरूलाई अझ विस्तार गर्ने योजनासमेत बनाएको छ।