नवराज अवस्थी, २०८२ साउन १० बेलौरी, कञ्चनपुर – “श्रम तथा उत्पादनमा वाईसिपीएल” भन्ने मूल नाराका साथ युवा कम्युनिस्ट लिग (YCL) नेपाल, बेलौरी नगर कमिटीको आयोजनामा बेलौरी नगरपालिका–५ स्थित श्री सीताराम सांकेतधाम मन्दिर परिसरदेखि रामनगर चोकसम्मको झण्डै ५ किलोमिटर क्षेत्रसम्म विशेष श्रम तथा सरसफाइ अभियान सशक्त रूपमा सम्पन्न भएको छ।
यस अभियानमा रामनगर र सितानगर गाउँका स्थानीय युवाहरू, YCL का सदस्यहरू, समाजसेवी र राजनीतिक नेताहरूको महत्वपूर्ण सहकार्य देखिएको छ। अभियानले धार्मिक स्थलहरूको सरसफाइ, सार्वजनिक ठाउँको झाडी सफा, र नगर सौन्दर्यीकरणमा उल्लेखनीय योगदान पुर्याएको
कार्यक्रमको संयोजन तथा व्यवस्थापनमा कञ्चनपुर क्षेत्र नं. १ प्रदेशसभा (ख) इन्चार्ज तथा माओवादी केन्द्र बेलौरी नगर कमिटीका सह–सचिव राजु बहादुर कुँवरको विशेष भूमिका रहेको थियो। उहाँले सम्पूर्ण कार्यक्रमको व्यवस्थापन, टोली परिचालन र सहकार्यमा सशक्त समन्वयकारी भूमिका खेल्नुभएको थियो।
राजु बहादुर कुँवरले कार्यक्रममा भने:”युवाशक्तिलाई संगठन र सेवामा सक्रिय बनाएर समाज रूपान्तरण सम्भव छ। यो अभियान हाम्रो सामूहिक सोच, श्रमको सम्मान र स्वच्छ नगर निर्माणको प्रतिबद्धता हो।”
यस्तै, माओवादी केन्द्र बेलौरी नगर कमिटीका अध्यक्ष तथा बेलौरी वडा नं. ५ का वडा अध्यक्ष लाल बहादुर चौधरी, नगर कमिटी सचिव सुन्दर चौधरी र समाजसेवी जय बहादुर कुँवरले समेत कार्यक्रममा विशेष सक्रियता देखाएका थिए।
अध्यक्ष लाल बहादुर चौधरीले अभियानमा सहभागी हुँदै युवालाई प्रोत्साहन गर्नुभयो। उहाँले भन्नुभयो:”युवा परिचालन, श्रम र समाजसेवा आजको खाँचो हो। म यस अभियानमा सक्रिय रूपमा सहभागी भएर गौरव महसुस गरिरहेको छु।”
सचिव सुन्दर चौधरीले भने:”श्रमको मार्फत अनुशासन, संगठित सोच र सामाजिक समर्पण विकास हुन्छ। YCL यिनै मूल्यहरूको आधारमा अघि बढिरहेको छ।”
अमर चौधरी र युवाहरूको समर्पणयस अभियानको विशेष पक्ष भनेको बेलौरी नगर भलमन्सा समन्वय समिति अध्यक्ष अमर चौधरीको उल्लेखनीय अग्रसरता हो। उहाँले रामनगर गाउँका युवाहरूलाई परिचालित गर्दै अभियानको सम्पूर्ण श्रम कार्यलाई सफल बनाउनु भएको थियो।
अमर चौधरीले भनुभयो:”नगर निर्माणमा भलमन्साहरूको योगदान देखाउन पाउँदा खुसी लागेको छ। समाजसेवामा समर्पित युवाहरू हाम्रो शान हुन्। यस्तो अभियान निरन्तर चलिरहोस् भन्ने कामना गर्दछु।”
कार्यक्रमको नेतृत्वमा रहेका YCL बेलौरी नगर अध्यक्ष राजेश भट्टले अभियानको समग्र समन्वय गर्नुका साथै संगठनात्मक पक्ष मजबुत बनाउन भूमिका खेल्नुभयो।
राजेश भट्टले भने:”YCL श्रम, संगठन र सेवाको संयोजन हो। युवाशक्तिलाई देश, समाज र वातावरणप्रतिको जिम्मेवारीमा जोड्नु हाम्रो निरन्तर प्रयास हो। आजको अभियान त्यही बाटोको एउटा प्रेरणादायी पाइला हो।”
सडकछेउका झाडी हटाउने, प्लास्टिक फोहर संकलन गर्ने, मन्दिर क्षेत्र सफा गर्ने जस्ता कार्यमा युवाहरूले एकताबद्ध भएर योगदान दिए। गर्मी मौसम, धुलो र थकानबीच पनि उनीहरूको जोश कम भएन।
स्थानीयवासीहरूले YCL तथा सहभागी युवाहरूको कामको खुलेर प्रशंसा गरेका छन्। सफाइ र श्रम संस्कृतिको विकासले नगर गौरव र सामाजिक चेतनालाई उज्यालो बनाएको धारणा धेरैले व्यक्त गरे।
कार्यक्रमको समापनमा आयोजकहरूले नगरका अन्य स्थानहरूमा पनि यस्ता श्रम अभियान निरन्तर रूपमा सञ्चालन गर्ने प्रतिबद्धता जनाएका छन्।
लेखकको बारेमा
थप आर्टिकलहरु :
- ३० चैत्र २०८२, सोमबार १३:४३शिक्षाबेलौरी–४ मा निःशुल्क कम्प्युटर तालिम सञ्चालन हुने
- १७ फाल्गुन २०८२, आईतवार १४:३९Blogपुनर्वास महोत्सव २०८२: १० दिनमा १ लाख ५० हजार दर्शकको अपेक्षा
- १७ फाल्गुन २०८२, आईतवार १४:३४Blogकञ्चनपुर जिल्ला क्षेत्र नं १ प्रतिनिधि सभा सदस्य पदका उम्मेदवार जनक सिंह धामीको अपिल
- २६ माघ २०८२, आईतवार १७:२०कलारोजगारी सिर्जनामा जोड: नेशनल लघुवित्तले सञ्चालन गर्यो दुना–टपरी तालीम
2 Comments
उपयुक्त काम गरेकाे मा धेरै धेरै धन्बाद
उपयुक्त काम गरेकाे मा धेरै धेरै धन्बाद