नेशनल लघुवित्तद्वारा कृषि सामग्रीमा विशेष छुट सम्झौता

दिप न्यूज

समाचार प्रकाशित मिति :

९ फाल्गुन २०८१, शुक्रबार ०८:२९

०८१ फाल्गुन ८ गते, नेशनल लघुवित्त वित्तीय संस्था लिमिटेड शाखा कार्यालय बेलौरीको आयोजनामा कृषि सामग्री खरिदमा विशेष छुट सम्बन्धी सम्झौता कार्यक्रम सम्पन्न भएको छ। सम्झौताअनुसार स्मरण एग्रोभेट सेन्टरसँगको सहकार्यमा दुई वर्षसम्म संस्थाका सदस्यहरूले विभिन्न कृषि सामग्री खरिदमा विशेष छुट पाउने भएका छन्। यस अन्तर्गत कीटनाशक विषादी खरिदमा २०%, उन्नत जातका बीउ-बिजनमा १०%, हाइब्रिड जातका बीउ-बिजनमा ५% देखि ७%, पशुपन्छी औषधिमा १६%, कृषिजन्य मेसिनरी औजारमा १२% तथा जैविक मल खरिदमा ७% सम्म छुट उपलब्ध हुनेछ।

कार्यक्रमका प्रमुख अतिथि बेलौरी नगरपालिका वडा नं. ८ का वडा अध्यक्ष बिसराम रान रहनुभएको थियो। कार्यक्रममा वडा सदस्य लक्ष्मी चन्द, वडा सदस्य शारदा पार्की, पचुई पहरी चौकी प्रमुख ऐन बहादुर पाल, व्यवसायी बल बहादुर डगौरा, स्थानीय बुद्धिजीवी, व्यापारी तथा नेशनल लघुवित्तका सदस्यहरू गरी ८१ जना सहभागी भएका थिए। शाखा प्रमुख बमकृष्ण वलीको सभापतित्वमा सञ्चालन भएको कार्यक्रममा प्रमुख अतिथि रानाले लघुवित्त संस्थाले सञ्चालन गरेका यस्ता कार्यक्रमहरू किसानहरूका लागि निकै उपयोगी रहेको उल्लेख गर्दै आगामी दिनमा अझ विस्तार गर्नुपर्नेमा जोड दिनुभयो।शा

खा प्रमुख वलीले वित्तीय साक्षरतासम्बन्धी विभिन्न विषयहरूमा जानकारी गराउँदै, संस्थाले भविष्यमा पनि यस्ता सामाजिक कार्यक्रमहरूलाई प्राथमिकतामा राख्ने र सदस्यहरूलाई लघु उद्यमीका रूपमा स्थापित गर्न आवश्यक सहयोग गर्ने बताउनुभयो। साथै, संस्थामा आबद्ध सदस्यहरूले बेलौरीस्थित दिलीप एग्रोभेट सेन्टर, धनगढीस्थित माया मेर्टो तथा सिपी अस्पतालमा पनि ५% देखि २०% सम्मको छुट पाउने जानकारी गराइयो।

कार्यक्रममा र्यक्रम बल बहादुर डगौराले सम्झौताअनुसारको छुट प्रदान गर्दै कृषि क्षेत्रमा सहयोग विस्तार गर्ने प्रतिबद्धता व्यक्त गर्नुभयो। कार्यक्रममा अन्तनी थारुले स्वागत मन्तव्य दिनुभएको थियो भने सञ्चालन लोक ठगुन्नाले गर्नुभएको थियो। यस सम्झौताले किसानहरूलाई प्रत्यक्ष लाभ पुग्ने विश्वास गरिएको छ।