बैतडीमा जन्ति बोकेको बस दुर्घटनामा,

दिप न्यूज

समाचार प्रकाशित मिति :

२४ माघ २०८२, शुक्रबार ००:३०

बैतडी, माघ २२ । बैतडीको पुर्चौडी नगरपालिका ७ भौनीबाट जन्ती लिएर बझाङको सुनकुडातर्फ फर्किरहेको बस पुर्चौडी नगरपालिका वडा नम्बर ७ कै बढ्गाउँ मोडमा दुर्घटना हुँदा ८ जनाको मृत्यु भएको छ । पवनदुत यातायातको सु प प्र ०२ ००१ ख १११९ नम्बरको बस सडकबाट करिब २ सय मिटर तल खस्दा घटनास्थलमै तथा उपचारको क्रममा गरी ८ जनाको ज्यान गएको जिल्ला प्रहरी कार्यालय बैतडीका प्रहरी नायव उपरीक्षक दीपक कुमार रायले जानकारी दिनुभयो ।

प्रहरीका अनुसार साँझ करिब ९ ,१० बजेको समयमा १८ जना महिला र २७ जना पुरुष गरी जम्मा ४५ जनाको उद्धार गरिएको छ । घाइतेमध्ये ३२ जना हाल कोटिला स्वास्थ्य चौकीमा उपचाररत छन् भने तीमध्ये ३ जनाको अवस्था चिन्ताजनक रहेको बुझिएको छ ।

दुर्घटनामा ज्यान गुमाउनेहरुमा बझाङ बित्थडचिर गाउँपालिका(७ बस्ने वर्ष ४० का केशब राज जोशी, वर्ष १३ का अशोक राज जोशी, वर्ष ३५ का बसन्त जोशी, वर्ष ४१ का विष्णु दत्त जोशी ९ उपचारको क्रममा०, वर्ष ४२ का नरेश राज जोशी ९उपचारको क्रममा०, बझाङ केदारस्यु गाउँपालिका बस्ने वर्ष ६० का मोहन देव भट्ट, बझाङ जयपृथ्वी नगरपालिका(७ बस्ने वर्ष ४० का बसन्त राज रतला र बैतडी पुर्चौडी नगरपालिका(७ बस्ने वर्ष ४० की पुष्पा अवस्थी रहेका छन् ।

‘दुर्घटनाको जानकारी पाएपछि पुर्चौडी र ढोल्यामोडबाट प्रहरी टोली खटिएको छ भने पाटनबाट सशस्त्र प्रहरीका डीएसपी शंकर धामी नेतृत्वको टोली पनि घटनास्थलमा पुगेको छ । स्थानीयहरुले समेत उद्धारमा सहयोग गरिरहेका छन्,’ प्रहरी नायव उपरीक्षक रायले बताउनुभयो ।

बस बेहुली लिएर बझाङको सुनकुडातर्फ फर्किने क्रममा दुर्घटनामा परेको हो । घाइतेहरुलाई स्कुल बसमार्फत छिटो डडेल्धुरा अस्पताल लैजाने तयारी भइरहेको सशस्त्र प्रहरी बल ५१ नम्बर गुल्मका गुल्मपति सशस्त्र प्रहरी नायव उपरीक्षक जंगबहादुर कुँवरले जानकारी दिनुभयो । दुर्घटनाबारे थप विवरण आउन बाँकी रहेको प्रहरीले जनाएको छ ।