नवराज अवस्थी ,१२ फागुन । कञ्चनपुरको बेलौरी नगरपालिकामा  माध्यमिक नगरस्तरीय हाजिर जवाफ प्रतियोगिता सम्पन्न भएको छ। शनिवार महाकाली माध्यमिक बिधालय बेलौरीको प्राङ्गणमा बेलौरी नगरपालिका शिक्षा युवा तथा खेलकुद शाखाको आयोजना पाँचौ माध्यमिक नगरस्तरीय हाजिर जवाफ प्रतियोगिता सम्पन्न भएको जानकारी शिक्षा युवा तथा खेलकुद शाखाका  निमित्त प्रमुख अमित प्रसाद भट्टले दिनुभयको छ ।

। हाजिरी जवाफ प्रतियोगितामा प्रथम स्थान ज्ञान साधना बाल विद्यालय पचुईले हासिल गरेको छ। त्यस्तै; द्वितीय स्थान वात्सल्य विद्या निकेतन रिछाहा र तृतीय स्थान शान्ति माध्यमिक विद्यालय शान्तिपुरले हात पारेका छन। हाजिरी जवाफ प्रतियोगितामा प्रथम हुन सफल बिधालयलाइ रू१५ हजार सहित प्रमाणपत्र द्वितीय हुन सफल बिधालयलाइ रू १२ हजार सहित प्रमाणपत्र र तृतीय हुन सफल बिधालयलाइ ७ हजार ५ सय सहित प्रमाणपत्र प्रदान गरिएको जानकारी बेलौरी नगरपालिका शिक्षा, युवा तथा खेलकुद शाखाका कम्प्यूटर अपरेटर असोक पाण्डेयले दिनुभयको छ ।

कार्यक्रममा नगरपालिका भित्र रहेका सामुदायिक तथा संस्थागत गरी २४ वटा विद्यालयको सहभागिता रहेको थियो । कार्यक्रमको अध्यक्षता शिक्षा, युवा तथा खेलकुद शाखाका प्रमुख अमित प्रसाद भट्ट रहनु भएको थियो भने प्रमुख अतिथि बेलौरी नगरपालिका उपप्रमुख जोगराम चौधरी, विशिष्ट अतिथिमा नगरपालिकाका प्रमुख प्रशासकीय अधिकृत तारादत्त अवस्थी, वडाध्यक्षहरू कलवीर चौधरी, सिताराम रिजाल, भोजराज चौधरी तथा बेलौरी नगरपालिकाका नगर प्रवक्ता हर्कबहादुर भुल लगायतको उपस्थिति रहेको थियो ।